Sumqayıt şəhərində aparılan budama işlərindən sonra ərazinin təmizlənməməsi sakinlərin narazılığına səbəb olub.
Sumqayit24.az-a müraciət edən şikayətçilərin sözlərinə görə, 13-cü mikrorayon, 53 nömrəli binanın qarşısında ağacların budanan budaqları artıq 10 gündən çoxdur ki, yığışdırılmadan qalıb. Bu isə həm küçənin görünüşünü pozur, həm insanların narahatlığına səbəb olur.
Sakinlər aidiyyəti qurumlardan əraziyə baxış keçirilməsini və budama işlərindən sonra qalan tullantıların qısa zamanda yığışdırılmasını xahiş edirlər. Onların fikrincə, şəhərdə aparılan abadlıq və yaşıllaşdırma işləri yalnız ağacları kəsməklə deyil, sonrakı təmizlik və qayda-qanunun təmin olunması ilə tamamlanmalıdır.
