Sumqayıtın bir sıra yaşayış massivində ağacların quruması müşahidə olunur.
Sumqayit.tv-nin məlumatına görə, bu proses 9-cu mikrorayon 51-ci binanın həyətində də müşahidə edilir.
Mütəxəssislərin fikrincə, ağac 1 həftəyə və ya 1 aya qurumur. Bu proses illərlə davam edən nəzarətsizliyin və aqrotexniki qulluq çatışmazlığının nəticəsidir. Qurumuş ağaclar təkcə ekoloji deyil, həm də fiziki baxımdan təhlükə mənbəyidir – xüsusən də uşaqların oynadığı məkanlarda.
Məsələ ilə bağlı sakinlər aidiyyəti qurumlardan tədbir görülməsini tələb edirlər.
