Sumqayıtda piyada keçidindəki problem vətəndaşlarda narahatlıq yaradıb.
Sumqayit24.az xəbər verir ki, bu barədə sosial şəbəkələrdə görüntülər yayılıb.
Belə ki, Sumqayıt şəhərinin Bakı küçəsində piyada keçidinin nişanı olsa da, yolun üzərində piyada zolağı yoxdur.
“Nişan da ağacların arasında olduğu üçün qarşıdan gələn nəqliyyat vasitəsi ərazidə olan piyada keçidini görməyə bilər. Çünki yerdə də bu zolaqlar silinib. Bundan əlavə, burada market, məktəb var. Bir sözlə, bu yol işlək yoldur və uşaqların da buradan istifadə etməsi vəziyyəti daha təhlükəli edir”, - deyə vətəndaşlar qeyd ediblər.
Şikayətçilər aidiyyəti qurumlardan piyada keçidindəki problemin aradan qaldırılmasını tələb edirlər.
