“Sumqayıtda və Azərbaycanın işğaldan azad edilmiş ərazilərində ağıllı şəhərlərin qurulması” layihəsi çərçivəsində görüş baş tutub. Bu barədə 17 yanvar tarixində Sumqayıt24 xəbər verir.
Proqram Koreya Beynəlxalq Əməkdaşlıq Agentliyi (KOICA) və Azərbaycan Respublikası Rəqəmsal İnkişaf və Nəqliyyat Nazirliyi tərəfindən keçirilir. Görüşdə Agentliyin mütəxəssis qrupu, Nazirliyinin əməkdaşları, Sumqayıt şəhər İcra Hakimiyyətinin Ərazi idarəetmə və yerli özünüidarə orqanları ilə iş şöbəsinin müdiri Gündüz Əliyev, şəhərimizdə fəaliyyət göstərən qurum rəhbərləri iştirak ediblər.
Çıxış edən Gündüz Əliyev Sumqayıtda “Ağıllı şəhər” konsepsiyası çərçivəsində görülmüş işlər və mövcud potensialdan söz açıb.
Görüşdə müzakirə, fikir mübadiləsi aparılıb və ekspert qrupunun sualları cavablandırılıb.
