Yenilənib saat 11:05
Qəza nəticəsində xəstəxanaya yerləşdirilən yaralılardan biri ölüb. Bu haqda Report-a istinadən xəbər veririk.
Məlumata əsasən, 16 mart səhər saatlarında həkimlərin səylərinə baxmayaraq "Hyundai Santa Fe" markalı avtomobilin sərnişini, 57 yaşlı Tamella Hümbətova vəfat edib.
——————————————————————————————————–
Saat 10:00
Sumqayıtda baş vermiş ağır qəzanın təfərrüatları açıqlanıb. Hadisə zamanı 16 nəfər yaralanıb. Bu haqda Sumqayıt24 xəbər verir.
Məlumata görə, qəza “Stansiya Sumqayıt” yaşayış massivinə gedən yolda qeydə alınıb. Belə ki, Xaçmaz rayonundan gələn "Hyundai" markalı mikroavtobus "Hyundai Santa Fe" minik avtomobili ilə toqquşub.
Yaralılardan 9 nəfər xəstəxanaya yerləşdirilib, 7 nəfərə isə ambulator xidmət göstərilərək evə buraxılıb. Xəstəxanaya yerləşdirilənlərdən 3 nəfərin vəziyyəti ağırdır.
Faktla bağlı araşdırma aparılır. [modula id="11547"]
