3 nömrəli Uşaq İncəsənət Məktəbində Əhməd Bakıxanovun 130 illiyinə həsr olunan konsert keçirilib. Bu barədə 29 dekabr tarixində Sumqayıt24 Regional Mədəniyyət İdarəsinə istinadən xəbər verir.
“Şuşa ili” çərçivəsində keçirilən tədbir Ə.Bakıxanov adına 1 nömrəli Uşaq İncəsənət Məktəbinin kollektivi tərəfindən təşkil olunub. Əvvəlcə şəhidlərimizin əziz xatirəsi 1 dəqiqəlik sükutla yad edilib.
Tədbiri giriş sözü ilə açan Regional Mədəniyyət İdarəsinin rəisi Rəşad Əliyev görkəmli tarzən, pedaqoq Ə.Bakıxanova həsr olunan tədbirin önəmindən danışıb. Sonra aparıcı Dünya Azərbaycanlılarının Həmrəyliyi Günü və Yeni il münasibətilə bütün qonaqları təbrik edib.
Şəhid ailələri və qazilərin iştirak etdiyi yığıncaq ”Nargilə” ifası ilə başlayıb. Sonra Səid Rüstəmovun “Oxu Tar“, Əhməd Bakıxanovun “Şüştər Rəngi”, İlham Abdullayevin “Payız”, T.Quliyevin “Dostluq mahnısı”, Aqşin Əlizadənin “Cəngi”, M.Maqomayevin “Dəniz”, S.Ələskərovun “Rəqs tokkata”, Nağaraçalanlar ansamblının F.Əmirovun “Odlar ölkəsi” ifaları ilə davam edib.
