“AK PACK” MMC-nin yumşaq polimer qablaşdırma məhsullarının istehsalı müəssisəsində tamamlama işləri görülür. Sumqayıt24 bu haqda 10 fevral tarixində İqtisadi Zonaların İnkişafı Agentliyinə (İZİA) istinadən xəbər verir.
Hazırda müəssisədə avadanlıqların sınaq-sazlama işlərinə başlanılıb, yaxın günlərdə isə xammal və hazır məhsul anbarının tikintisinə start veriləcək. Burada İtaliya və Türkiyə texnologiyalarının tətbiqi ilə 2 istehsal xətti üzrə 20 çeşiddən çox məhsul istehsal ediləcək.
İnvestisiya dəyəri 7 milyon manatdan çox olan müəssisədə 35 nəfər daimi işlə təmin ediləcək. İstehsalat məhsullarının Orta Asiya, Yaxın Şərq və Avropa ölkələrinə ixracı da nəzərdə tutulur.
Qeyd edək ki, Sumqayıt Kimya Sənaye Parkının rezidenti olan “AK PACK” MMC-nin cari ilin birinci yarısında istifadəyə verilməsi planlaşdırılır.
