Sumqayıt MKS-nin Mərkəzi Uşaq Kitabxanasında “Ana dilimizin tarixi yolu” adlı şeir dəqiqələri keçirilib. Bu haqda 2 avqust tarixində Sumqayıt Mərkəzləşdirilmiş Kitabxana Sisteminə istinadən xəbər veririk.
Azərbaycan Dili Günü ilə əlaqədar keçirilən tədbirdə 12 nömrəli tam orta məktəbin 5e sinif şagirdləri iştirak ediblər. Tədbiri giriş sözü ilə açan kitabxananın baş mütəxəssisi Leyla Mahmudova bu günün təsis olunma tarixi, Azərbaycan dilinin tarixi inkişaf mərhələləri haqqında bəhs edib. Burada şagirdlər görkəmli Azərbaycan şairlərinin ana dilimiz haqqında yazdığı şeirlərini, ana dili haqqında deyilən hikmətli sözləri söyləyiblər. Yığıncağın sonunda iştirakçılara “Əsrlərin, nəsillərin yadigarı – Ana dilim!” adlı kitab sərgisi haqqında məlumat verilib.
