Sumqayıtda ər-arvadın ölməsi faktı ilə bağlı cinayət işi başlanıb.
Bu barədə Sumqayit24.az-a Sumqayıt rayon Prokurorluğundan məlumat verilib.
Bildirilib ki, sentyabrın 16-da Sumqayıt şəhəri Kimyaçılar qəsəbəsi ərazisində yerləşən yaşayış evlərindən birində 2 şəxsin ölməsi barədə şəhər prokurorluğuna məlumat daxil olub.
Araşdırma zamanı 38 yaşlı İlkin Atakişiyevin ailə münaqişəsi zəminində arvadı 36 yaşlı Yeganə Atakişiyevaya bıçaqla xəsarət yetirərək qəsdən öldürməsi, daha sonra özünə bıçaq xəsarəti yetirərək intihar etməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1 (qəsdən adam öldürmə) və 125-ci (özünü öldürmə həddinə çatdırma) maddələri ilə cinayət işi başlanaraq istintaq aparılır.
