Sumqayıtda avtobuslar üçün nəzərdə tutulmuş yolda taksilər fəaliyyət göstərir.
Məsələ ilə bağlı Sumqayit24.az- a müraciət edən sakinlər bildirirlər ki, Sülh küçəsində avtobusa dayancaqda minmək onlara çətinlik yaradır.
Fotolardan da aydındır ki, belə vəziyyət həm avtobusların, həm də piyadaların hərəkətinə ciddi təsir göstərir.
“Əlacsızlıqdan həm sərnişinlər, həm də avtobus sürücüləri ikinci yoldan istifadə etməli olurlar. Bu da müxtəlif problemlərin yaranmasına səbəb olur”, - deyə şikayətçilərdən biri bildirib.
Vətəndaşlar həm taksi sürücülərindən, həm də aidiyyəti qurumlardan problemin aradan qaldırılmasını tələb edirlər.
