9 nömrəli avtobusların fəaliyyətində bir sıra çatışmazlıqlar var. Sumqayıt24 bu haqda 2 mart tarixində xəbər verir.
Sözügedən marşrut xətti Sumqayıtdan Ceyranbatan qəsəbəsinə və əks istiqamətdə çalışır. Şikayətçilər bildirirlər ki, avtobus sayının az olmasına, vaxtı-vaxtında gəlməməsinə görə sərnişin sıxlığı yaranır.
“İradımızı bildirdikdə bəzi sürücülər “minməzdiniz” deyə kobud cavab verirlər. Yeni bir şey də fikirləşiblər. Açılan oturacaqları məftillə bağlayıblar ki, heç kəs oturmasın və daha çox yer qalsın. Bundan əlavə, qışda soyuqdan donur, yayda istidən boğuluruq”, - deyə sakinlər əlavə ediblər. [modula id="32633"]
