Sumqayıt şəhərində zəncirvari yol qəzası baş verib.
Sumqayit24.az xəbər verir ki, hadisə Polad Həşimov küçəsində qeydə alınıb.
İlkin məlumata görə, hərəkətdə olan "Land Rover" markalı avtomobilin sürücüsü idarəetməni itirib. Nəticədə nəqliyyat vasitəsi yoldan çıxaraq dayanmış vəziyyətdə olan "Changan", "VAZ-2106" və "Hyundai" markalı avtomobillərə çırpılıb.
Güclü toqquşma nəticəsində "Land Rover" aşıb.
Qəza zamanı xəsarət alanlar barədə məlumat daxil olmasa da, avtomobillərə ciddi maddi ziyan dəyib.
