Sumqayıtda “Rənglərin ahəngi” adlı tədbir təşkil olunub.
Sumqayit24.az xəbər verir ki, 15 may – Beynəlxalq Ailə Günü münasibətilə təşkil olunan tədbir Sumqayıt Muğam Mərkəzində baş tutub.
Tədbirdən öncə autizm və daun sindromlu uşaqlar həkim briqadası tərəfindən müayinə edilib.
Rəsmi hissədə ailə dəyərlərini əks etdirən videoçarx nümayiş olunub. Tədbir çərçivəsində keçirilən tibbi müayinələrin sosial məsuliyyət baxımından əhəmiyyəti qeyd edilib. Bildirilib ki, ailələrin sağlamlığı ümumi cəmiyyətin sağlamlığı deməkdir və bu istiqamətdə profilaktik tədbirlərin davamlı aparılması olduqca önəmlidir.
Sonda tədbir bədii hissə ilə davam etdirilib. Musiqi nömrələri və müxtəlif rəqs kompozisiyaları ilə müşayiət olunan “Rənglərin ahəngi” adlı tədbir gənc və uzunömürlü ailələrin, fiziki və əqli qüsurlu uşaqların ailələrinin əhvalına xüsusi rəng qatıb.
