Sumqayıtda “Sumqayıt şəhərinin mədəni həyatı – yeni çağırışlar və perspektivlər” mövzusunda ictimai dinləmələr keçirilib. Bu haqda Regional Mədəniyyət İdarəsinin Facebook səhifəsinə istinadən xəbər veririk.
Dinləmələr “Poeziya evi”ndə, idarənin və Mədəniyyət Nazirliyi yanında İctimai Şuranın Kitab Nəşri və Ədəbiyyat İşçi Qrupunun birgə təşkilatçılığı ilə baş tutub. Burada şəhərin tanınmış mədəniyyət xadimləri və gəncliyin nümayəndələri iştirak ediblər.
Onlar təşkil edilmiş kitab, rəsm və dekorativ əl işləri sərgisi ilə tanış olub.
Tədbirdə kitabxanalar, ədəbiyyat, muzeylər, kino, teatr, musiqi, rəssamlıq, fotoqrafiya, memarlıq və heykəltəraşlıq kimi mədəniyyət sahələrİ əhatə olunub. Hər sahənin cari durumu, görüləcək işlər və planlar müzakirə edilib.
