Sumqayıtda Tibb İşçilərinin Peşə Bayramı Günü münasibətilə tədbir keçirilib.
Sumqayit24.az xəbər verir ki, tədbirdə icra başçısı Zakir Fərəcov, şəhərin səhiyyə müəssisələrinin rəhbərləri və tibb işçiləri iştirak edib.
Şəhər rəhbəri səhiyyə işçilərini peşə bayramı münasibətilə təbrik edib, onlara ən xoş arzularını bildirib və şərəfli işlərində uğurlar arzulayıb.
Çıxışlar zamanı Sumqayıtda son illər ərzində səhiyyə sahəsində görülən işlər də xüsusi vurğulanıb.
Tədbirdə səhiyyə sahəsində səmərəli fəaliyyətləri ilə seçilən bir qrup tibb işçisi Sumqayıt Şəhər İcra Hakimiyyəti və Sumqayıt Tibb Mərkəzi tərəfindən fəxri fərmanlarla təltif olunub.
Tədbir konsert proqramı ilə davam etdirilib.
