Sumqayıt Heydər Əliyev mərkəzində “Gənclik yeni zəfərlərə doğru” adlı breyn-rinq keçirilib. Bu haqda bu gün, 1 fevral tarixində Sumqayıt Şəhər Təhsil Şöbəsi məlumat yayıb.
Yarışa ümumtəhsil məktəblərini təmsil edən şagirdlərdən ibarət komandalar qatılıb. 12 nömrəli tam orta məktəbin “Tusi” komandası 1-ci, 13 nömrəli tam orta məktəbin “Zəka” komandası 2-ci və 22 nömrəli tam orta məktəbin “Zəfər” komandası 3-cü yerə layıq görülüblər. Qaliblər Baş İdarənin fəxri fərmanı, medal və hədiyyələri ilə təltif ediliblər.
Yarış Sumqayıt şəhər Gənclər və İdman Baş İdarəsinin, Təhsil Şöbəsi nəzdində Gənc Müəllimlər Şurasının təşkilatçılığı ilə keçirilib.
