Sumqayıtda Qadın Resurs Mərkəzinin açılış mərasimi olub. Bu haqda bu gün, 28 yanvar “Report” məlumat yayıb.
Mərkəz qadınların səlahiyyətləndirilməsinə və onların iqtisadi dayanıqlılığının artırılmasına xidmət edəcək. Burada, zorakılığa məruz qalmış qadınlara dəstək göstəriləcək. Bu mərkəzin yaradılmasında bir neçə yerli və beynəlxaq təşkilat iştirak edib.
Tədbirdə Ailə, Qadın və Uşaq Problemləri üzrə Dövlət Komitəsinin sədri Bahar Muradova, gənclər və İdman nazirinin müavini Fərhad Hacıyev, Milli Məclisin deputatı Hicran Hüseynova, USAID-in Azərbaycandakı missiya direktoru Caydev Sinqx və BMT-nin İnkişaf Proqramının Azərbaycandakı Rezident nümayəndəsinin müavini Çaru Bista və layihənin digər əməkdaşları iştirak ediblər.
