Sumqayıtın yol infrastrukturunda yaranan problem narazılıqlara səbəb olub.
Sumqayit24.az-a müraciət edən şikayətçilər bildiriblər ki, Üzeyir Hacıbəyli küçəsinin 9-cu mikrorayondan keçən hissəsində yolun bir qismi hərəkət üçün yararsız vəziyyətə düşüb.
Sözügedən ərazidə yolboyu iri çalalar əmələ gəlib. Nəticədə həmin hissədən keçən avtomobillər ciddi risklə üzləşir, nəqliyyat vasitələrinə ziyan dəyir.
Sakinlərin sözlərinə görə, problem uzun müddətdir mövcuddur və vəziyyət getdikcə daha da pisləşir. Xüsusilə gecə saatlarında çalaların görünməməsi qəzaların baş vermə ehtimalını artırır.
Vətəndaşlar aidiyyəti qurumlardan problemin qısa müddətdə aradan qaldırılmasını və yolun təmir olunmasını tələb edirlər.
