Sumqayıt şəhər 28 nömrəli tam orta məktəbin 11-ci sinif şagirdi, Avropa çempionu Cəmilə Muradlı məktəbdə təntənəli şəkildə qarşılanıb.
Sumqayit24.az xəbər verir ki, bu barədə təhsil ocağının sosial şəbəkə hesabında paylaşım edilib.
Bildirilib ki, 57 kq çəki dərəcəsində mübarizə aparan Cəmilə Muradlı Monteneqronun Budva şəhərində boks üzrə keçirilən qitə birinciliyinin final görüşündə Aliya İbrahimi məğlub edərək Avropa çempionu titulunu qazanıb.
Məktəbin rəhbərliyi və şagirdləri Avropa çempionu olan Cəmilə Muradlını qarşılayaraq onu qazandığı uğur münasibətilə təbrik ediblər.
