Sumqayıt şəhərində daha bir baxımsız idman meydançası mövcuddur. Bu haqda bu gün, 7 fevral tarixində Sumqayıt24-ə məlumat daxil olub.
Bu dəfə söhbət Tağıyev qəsəbəsində yerləşən 19 nömrəli məktəbin stadionundan gedəcək. Meydança idman dərsləri üçün yararsız vəziyyətdədir. Burada futbol üçün nəzərdə tutulan qapıların torları yoxdur. Meydançada heç bir idman növü ilə məşğul olmaq mümkün deyil.
“Stadionun əsaslı təmiri nə zaman olub, yadıma gəlmir heç. Təmir olunsaydı uşaqlar, məktəblilər həvəslə idmanla məşğul olardılar”, - deyə sakin bildirib.
Daha öncə, şəhər ərazisində digər baxımsız olan meydançalar haqda məlumat verilmişdir. [modula id="9366"]
