Sumqayıtda dələduzluq hadisəsi qeydə alınıb.
Sumqayit24.az -a daxil olan məlumata görə, özünü dövlət qurumlarından birinin əməkdaşı kimi təqdim edən Orxan adlı şəxs tez-tez şəhərin bulvar ərazisindəki restoranlardan birinə gəlirmiş. Həmin şəxs restoranın əməkdaşları ilə səmimi münasibət yaradaraq onların inamını qazanıb. Daha sonra o, daimi gəldiyi bu yerdə restoranın əməkdaşından 220 manat pul istəyib. Şəxs həmin pulu dələduzun kartına göndərib. Axşam pulu qaytaracağını vəd etsə də, geri qaytarmayıb və onunla əlaqə saxlamaq mümkün olmayıb.
Məsələ ilə bağlı polisə müraciət edilib. Hazırda müraciət üzrə araşdırma aparılır.
