Hazırda ölkə ərazisində dumanlı hava şəraiti müşahidə olunur.
Sumqayit24.az Milli Hidrometeorologiya Xidmətinə istinadən xəbər verir ki, gündüz saatlarında temperaturun yüksək olması, gecə saatlarında isə yerüstü təbəqədə səthin soyuması və havanın temperaturunun aşağı düşməsi dumanın əmələ gəlməsinə səbəb olub.
Sumqayıt şəhərində də hazırda duman müşahidə olunur. Görünüş məsafəsi 50-200 metrədək məhdudlaşır.
Ölkə ərazisində müşahidə olunan dumanlı hava şəraitinin noyabrın 15-dək fasilələrlə davam edəcəyi gözlənilir.
