Sumqayıt Dövlət Universitetində (SDU) konfrans keçirilib. Sumqayıt24 bu haqda 21 oktyabr tarixində Sdu.edu.az-a isinadən xəbər veririk.
Respublika elmi konfransı “Azərbaycan Respublikasının sosial-iqtisadi inkişafının aktual problemləri” mövzusunu əhatə edib. Burada Milli Məclisin komitə sədrləri Musa Quliyev və Tahir Rzayev, Auditorlar Palatasının sədri Vahid Novruzov və ali təhsil müəssisələrinin görkəmli iqtisadçı alimləri iştirak ediblər.
Çıxış edən qonaqlar SDU-nun təhsilimizin inkişafına verdiyi töhfələrdən bəhs ediblər. Bildirilib ki, ölkəmizdə və Sumqayıtda fəaliyyət göstərən müəssisələrin yüksək hazırlıqlı, bilikli kadrlarla təmin olunmasında bu təhsil ocağının rolu danılmazdır.
Akt zalında davam edən konfransda azad olunan ərazilərin Azərbaycan iqtisadiyyatına reinteqrasiyası, burada əhalinin məşğulluğunun təmin edilməsi, istehsal, xidmət, ticarət, nəqliyyat, logistika və digər sahələrin yaradılmasından söz açılıb.
Qeyd olunub ki, konfransın təşkilat komitəsinə 33 elm və ali təhsil müəssisəsindən 165 məruzə və tezis daxil olub. Onlardan 149-u seçilərək və antiplagiat proqramı ilə yoxlanılaraq gündəliyə daxil edilib.
