Sumqayıtda fəaliyyət göstərən zavodun gəlirləri il ərzində 6 dəfə artıb. Bu haqda bu gün, 25 fevral tarixində Report-a istinadən xəbər veririk.
SOCAR-a aid Karbamid zavodunun direktoru Xəyal Cəfərov bildirib ki, 2020-ci ildə müəssisənin gəlirinin həcmi 35 milyon manat olmuşdursa, 2021-ci ildə bu göstərici 225 milyon manatı keçib.
Hazırda, zavod 94% gücü ilə çalışır. Bunun sayəsində, 2020-ci ildə burada 120 min ton karbamid istehsal edilmişdirsə, 2021-ci ildə bu rəqəm 355 min ton təşkil edib. Bu isə 3 dəfə artım deməkdir.
“2020-ci ildə təxminən 70 min məhsul ixrac edilmişdirsə, 2021-ci ildə bu rəqəm 323 min tonu keçib. Yəni zavodun məhsul ixracı 4 dəfədən çox artıb", - direktor əlavə edib.
