Sumqayıt şəhəri, Hacı Zeynalabdin Tağıyev qəsəbəsində yerləşən fabrikdə çatışmazlıqlar aşkarlanıb.
Sumqayit24.az xəbər verir ki, Suların İstifadəsinə və Mühafizəsinə Dövlət Nəzarəti Xidməti tərəfindən monitorinq keçirilib. Nəticədə “Elat Kəndli-Fermer Təsərrüfatı" MMC-yə məxsus quşçuluq fabrikində formalaşan tullantı sularının lokal təmizləyici qurğu olmadan və hər hansı təmizlənmə, zərərsizləşdirilmə aparılmadan birbaşa Sumqayıt çayına və dolayısı ilə Xəzər dənizinə axıdıldığı məlum olub.
Faktla bağlı akt və İnzibati Xətalar Məcəlləsinin 264.0.1-ci maddəsinə əsasən inzibati xəta törətdiyinə görə şirkət barədə protokol tərtib edilib.
Eyni zamanda, Qida Təhlükəsizliyi Agentliyi Kollegiyasının Qərarı ilə təsdiq edilmiş qaydalara riayət edilmədən fəaliyyətin həyata keçirildiyini nəzərə alaraq, müvafiq tədbirlər görülməsi üçün Agentliyə müraciət ediləcək.
Bundan əlavə, xidmət vətəndaşlardan su obyektlərinin çirkləndirilməsinə dair hallarla rastlaşdıqda dərhal qurumun sosial media hesabları vasitələri ilə məlumat vermələrini xahiş edib.
