FHN-in Sumqayıt Regional Mərkəzində “Əməliyyat növbətçiliyi sisteminin təkmilləşdirilməsi” mövzusunda masaüstü təlim keçirilib. Bu haqda 11 mart tarixində Sumqayıt24 Fövqəladə Hallar Nazirliyinə (FHN) istinadən xəbər verir.
Seminarda FHN-in strukturuna daxil olan aidiyyəti qurumların və regional mərkəzlərin məsul şəxsləri iştirak ediblər. Burada fövqəladə hadisələr, eləcə də sözügedən mərkəzin fəaliyyəti barəsində danışılıb.
Daha sonra Sumqayıt Texnologiyalar Parkında şərti yanğınla nəticələnən “partlayışın nəticələrinin aradan qaldırılması” zamanı Sumqayıt Regional Mərkəzinin əməliyyat növbətçiliyinin fəaliyyəti yoxlanılıb.
Təlimin sonunda Regional Mərkəzin fəaliyyəti təhlil edilərək qarşıya qoyulan tapşırığın icra vəziyyəti müzakirə edilib, suallar cavablandırılıb.
