Fövqəladə Hallar Nazirliyinin (FHN) Sumqayıt Regional Mərkəzində açıq qapı günü keçirilib. Sumqayıt24 bu haqda 16 mart tarixində quruma istinadən xəbər verir.
Tədbirdə Vətən müharibəsi şəhidlərinin övladları, Bakı Regional Mərkəzinin rəisi, general-mayor Məhərrəm Həsənov, FHN işçilərinin Həmkarlar İttifaqının sədri Mehman İsmayılov, Sumqayıt Regional Mərkəzinin rəisi, polkovnik Vaqif Fətullayev, Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin rəisi Vüsal Ağayev, İctimaiyyətlə əlaqə idarəsinin rəis müavini, polkovnik Məhbubə Mustafayeva, Sumqayıt Şəhər İcra Hakimiyyəti başçısının müavini Fəzail Hüseynov, eləcə də mərkəzi icra hakimiyyəti orqanlarının yerli qurumlarının, o cümlədən hüquq mühafizə orqanlarının rəhbərləri, ictimaiyyət nümayəndələri iştirak ediblər.
Uşaqlara xilasedicilər və Yanğından Mühafizə İdarəsinin yanğınsöndürənləri tərəfindən yanğınsöndürmə və xilasetmə texnikası, avadanlıqları təqdim olunub, sualları cavablandırılıb.
Həmçinin FHN-in psixoloqları uşaqlarla fərdi söhbətlər aparıb, maraqlı psixoloji oyunlar keçiriblər. Sonda isə onlara hədiyyələr verilib.
