Sumqayıtda yeni fırıldaqçı peyda olub.
Sumqayit24.az-a müraciət edən sahibkar Vüsal Həsənoğlu sözügedən şəxsin dükanlara girib mal aldığını, sonra "nəğd pulum yoxdur, kartım da işləmir" deyib, "pulu kartdan karta ata bilərəm?" deyə soruşduğunu iddia edir. Sonra isə satıcıya telefonunda hansısa üsulla bir dəqiqədə hazırladığı, orijinaldan fərqlənməyən saxta qəbzin şəklini göstərir. “Qəbz”in üzərində satıcının dediyi məbləğ, satıcının kart nömrəsi və sairə qeyd olunur.
Bundan sonra satıcıya tələsdiyini söyləyib, pul karta oturmadan aradan çıxır. Taksi sürücüləri də daxil artıq bir neçə nəfəri bu yolla aldadıb. Nisbətən arıq, ortaboylu, qaraşın, təxminən 32-33 yaşlı kişidir. Hamıya da, ad çəkərək məşhur ticarət mərkəzlərinin birində qızıl şöbəsində işlədiyinə söyləyib, əvvəlcədən etibar qazanır.
