Sumqayıt Mərkəzləşdirilmiş Kitabxana Sisteminin Mirzə Ələkbər Sabir adına kitabxana filialında “Gənclərimizi qoruyaq” adlı dəyirmi masa təşkil olunub. Bu haqda bu gün, 12 mart tarixində Mədəniyyət Xəbərləri məlumat yayıb.
Tədbirdə Sumqayıt şəhər 39 nömrəli orta məktəbin 9-cu sinif şagirdləri iştirak ediblər. Kitabxana filialının müdiri millətin sağlam həyat tərzi üçün təhlükə törətməsi, narkotik maddələrin qəbul edilməsi ilə insanın fiziki və psixoloji cəhətdən məhv olması haqqında məlumat verib. Daha sonra şagirdlər “Narkomaniya nədir”, “Narkomaniyaya qarşı mübarizə necə aparılmalı”, “Narkomaniya bədii ədəbiyyatda” mövzularında çıxış ediblər.
