Sumqayıt Gənclər Kitabxanasında “Dəmir yumruq və Azərbaycan gəncliyi” adlı tədbir keçirilib. Sumqayıt24 bu barədə 3 fevral tarixində xəbər verir.
2 Fevral – Azərbaycan Gəncləri Gününə həsr olunan yığıncaqda əvvəlcə şəhidlərimizin xatirəsi bir dəqiqəlik sükutla yad edilib. Kitabxananın müdiri vəzifəsini m.i.e. Leyla Mahmudova bu günün yaranma tarixindən bəhs edib. Sonra mövzu ilə bağlı videoçarx izlənilib.
Yazıçı-ssenarist, “Zərdabi” mükafatı laureatı Hafiz İmamnəzərli, “Sumbuilders” Robotexnika Proqramlaşdırma Mühəndislik Komandasının təsisçisi Tural Süleymanovun uğur hekayələri gənclər tərəfindən maraqla qarşılanıb. Çıxışlardan sonra tədbir gənclərin qonaqlara ünvanladığı suallarla davam edib.
Sonda şəhər Həmkarlar Təşkilatının dəstəyi ilə fərqlənən gənclərə qonaqlar tərəfindən fəxri fərmanlar və hədiyyələr təqdim edilib.
