2 nömrəli Sumqayıt Ailə Sağlamlıq Mərkəzinin Terapiya şöbəsinin müdiri Rəsmiyyə Məhərrəmova və ailə həkimi, terapevt Pərvanə Mürsəlova Peşə Təhsil Mərkəzinin bir qrup tələbəsi üçün seminar keçiriblər.
Sumqayit24.az xəbər verir ki, seminar “Həkiməqədər ilk tibbi yardımın təşkili” mövzusuna həsr olunub. Təlimdə həkimlər suda boğulma, donma, qida zəhərlənməsi, ilan sancması və digər hallarda zərərçəkənə ilk tibbi yardımın vaxtında göstərilməsinin həyati əhəmiyyəti barədə məlumatları tələbələrin diqqətinə çatdırıblar.
Sonda tələbələri maraqlandıran suallar cavablandırılıb.
