Fövqəladə Hallar Nazirliyinin Sumqayıt Regional Mərkəzində tədbir keçirilib. Sumqayıt24 bu haqda 23 dekabr tarixində xəbər verir.
Mövzu “Ulu öndər Heydər Əliyevin dövlətçilik tariximizdə yeri və rolu” olub. Tədbirdə mərkəzin rəisi polkovnik Vaqif Fətullayev, şəxsi heyəti və FHN-in digər yerli strukturlarının məsul əməkdaşları, Nazirliyin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin şöbə müdiri Fərid Gülməmmədov, Sumqayıt Dövlət Universitetinin Azərbaycan və Şərqi Avropa xalqları kafedrasının dosenti, tarix üzrə fəlsəfə doktoru Əmirxan İsayev iştirak ediblər.
Polkovnik Vaqif Fətullayev və digər çıxışçılar ulu öndər Heydər Əliyevin Vətən, xalq qarşısında misilsiz xidmətlərindən danışıblar. Ölkəmizin Ali Baş Komandan cənab İlham Əliyevin rəhbərliyi altında sürətlə inkişaf etdiyi, qarşıya qoyduğu hədəflərə çatdığı bildirilib.
Sonda Heydər Əliyevin həyat və fəaliyyətindən bəhs edən sənədli film izlənilib.
