350 min nəfərə yaxın əhalisi olan Sumqayıtda ictimai ayaqyoluların az olması sakinlərin narazılığına səbəb olur. Bu haqda bu gün, 4 iyun tarixində Sumqayıt24 xəbər verir.
Şəhər ərazisində tualetlər 3-4 yerdə var, lakin onların çox vaxt bağlı olduğu məlumdur. Yay mövsumu gəlincə parklarda, bulvarda istirahət edənlərin sayı günü gündən çoxalır. Buraya baş çəkənlərin əksər hissəsi yaşlı nəslin nümayəndələri, pensiyaçılar və uşaqlar olduğundan, onların ayaqyoluya daha çox ehtiyacı var.
Heydər parkı, Nəsimi parkı və bulvarda olan ayaqyoluların vəziyyəti qənaətbəxş deyil. Şəhərimizdə tez-tez tədbirlər keçirilir, tualetlərin az olması sakinlər tərəfindən narazılıqla, turistlər tərəfindən isə anlaşılmazlıqla qarşılanır.
Restoranların, kafelərin, çayxanaların tualetlərinə sakinlər müraciət etməkdən çəkinir, müraciət edənlər isə çox vaxt rədd cavabı alırlar.
Bu problemi vətəndaşlar arasında qabartmaq məqsədilə 2001-ci ilin 19 noyabr tarixindən hər il Ümumdünya Tualet Günü qeyd edilir. Birləşmiş Millətlər Təşkilatı isə 2008-ci ili "Ayaqyolu ili” elan edib.
