Sumqayıt şəhər Heydər Əliyev Mərkəzində “İnsan hüquqları və əsas azadlıqların müdafiəsi” adlı tədbir keçirilib. Bu haqda 17 fevral tarixində Sumqayıt24 xəbər verir.
Tədbirdə Xidmət Sahələri üzrə Sumqayıt Dövlət Peşə Təhsil Mərkəzinin müəllim və tələbələri, eləcə də mərkəzin əməkdaşları iştirak ediblər. Mərkəzin direktoru Vüsalə Qurbanova mövzu ilə bağlı iştirakçılara məlumat verib.
Sonra isə insan hüquqları və azadlıqlarının yazıldığı vərəqlər tələbələrə verilib. "İşgüzar oyun" formatında nümayiş olunan bu tamaşada əsas məqsəd tələbələrin hüquq və azadlıqları haqqında daha ətraflı məlumatlara yiyələnməsi olub.
Komandalara ayrılan tələbələr səssiz oyun formasında hüquq və azadlıqları bir-birinə izah etməyə çalışıblar. Sonda mövzu ətrafında müzakirələr aparılıb.
