Sumqayıt şəhər 29 nömrəli tam orta məktəbində “İrəvan Müəllimlər Seminariyası - 140” mövzusunda dəyirmi masa keçirilib. Bu haqda bu gün, 6 aprel tarixində təhsil ocağının Facebook hesabına istinadən xəbər veririk.
Tədbiri keçirməkdə əsas məqsəd şagirdlərə İrəvan Müəllimlər Seminariyasının yaranma tarixini öyrətmək, eləcə də buranın müəllimləri və məzunları haqqında bilgilər verməkdir. Bundan əlavə İrəvan Müəllimlər seminariyasının Azərbaycan pedaqogika tarixindəki yeri, seminariyanın ilk müəllimləri haqqında geniş məlumat verilib.
Sonda şagirdləri maraqlandıran suallarla bağlı geniş müzakirələr aparılıb, videoçarx nümayiş olunub.
