Sumqayıtda məktəbdə xoşagəlməz hadisə yaşanıb.
Sosial şəbəkələrdə yayılan iddiala görə, Ş.İ.Xətai adına 30 nömrəli tam orta məktəbin direktoru Fəridə Cəlilova "Son zəng"də məzunları təhqir edərək "alçaq" adlandırıb və tədbiri sonlandıraraq valideynlərə bildirib ki, sizinlə də qurtardıq, gedirik evə.
Direktor, həmçinin “Polis niyə durub orada? Niyə gəlib bunları aparmadınız?” deyə bildirib.
Sumqayit24.az-ın əldə etdiyi məlumata görə, “Son zəng” bitdikdən sonra keçmiş illərin məzunları məktəbin həyətinə gələrək, fişəng yandırmağa, şənliyi təzədən “qızışdırmağa” çalışıblar. F.Cəlilova da onları məktəb ərazisindən uzaqlaşdırmaq istəyib. Yayılan videoda əks olunan görüntülər də məhz ana aiddir.
Redaksiyamız tərəfindən məsələ ilə bağlı Abşeron-Xızı Regional Təhsil İdarəsinə sorğu ünvanlanıb.
View this post on Instagram
