Xanəhməd Həsənova 32 il əvvəl ev növbəsi ilə aldığı mənzildə hələ bir gün belə yaşamaq qismət olmayıb.
Sözügedən vətəndaş deyir ki, onun evində məskunlaşan şəxs Qubadlı rayonunun Zilanlı kənd sakini, keçmiş məcburi köçkün Namiq Məmmədovdur.
“2012-ci ildə məhkəmə ailənin mənzili boşaltması barədə qərar qəbul etsə də, indiyədək icra olunmayıb. Yaşım 70-i ötüb, kirayələrdə qalıram. Mənim nəşim də kirayədən çıxmalıdır?!”, – Xanəhməd Həsənov söyləyib.
Keçmiş məcburi köçkün Amil Məmmədov isə evlə təmin olunmadıqları müddət ərzində yaşadıqları mənzildən çıxmayacaqlarını söyləyib:
“Mən qazi olaraq evlə təmin olunmamışam. Xahiş edirəm ki, bizi Sumqayıtda evlə təmin etsinlər ki, ailəmlə gedib orada yaşayım”.
Məsələ ilə bağlı Qaçqınların və Məcburi Köçkünlərin İşləri Üzrə Dövlət Komitəsindən bildirilib ki, Qubadlı rayonunun Zilanlı kəndindən keçmiş məcburi köçkün Namiq Məmmədov və ailə üzvləri Xanəhməd Həsənova məxsus mənzildə müvəqqəti məskunlaşıblar:
“Keçmiş məcburi köçkünün başqa vətəndaşa məxsus mənzili boşaltması haqqında məhkəmə qətnaməsi mövcuddur və Komitəyə təqdim edilib. İşğaldan azad edilmiş ərazilərdə bərpa-quruculuq işləri aparılır. Qubadlı rayonunun Zilanlı kəndi də bərpa edildikdən sonra həmin ailənin də köçürülməsi qanunauyğun formada icra ediləcək və onun hazırda müvəqqəti məskunlaşdığı mənzil sahibinə təhvil veriləcək”.
Ətraflı Baku TV-nin süjetində:
