Sumqayıt Musiqi Kolleci Heydər Əliyev Mərkəzində konsert keçirib. Bu barədə 27 dekabr tarixində DünyaTV-yə istinadən xəbər veririk.
“Nəğmələrdə yaşayan ömürlər” adlanan tədbir Dünya Azərbaycanlılarının Həmrəyliyi Günü və Yeni ilə həsr olunub. Burada şəhid ailələri, Sumqayıt şəhər İcra Hakimiyyətinin rəsmiləri, mədəniyyət işçiləri və ictimaiyyət nümayəndələri iştirak ediblər. İcra başçısının birinci müavini Teymur Səmədov qonaqlara bu günün əhəmiyyətindən danışıb.
Konsert proqramı kollec kollektivinin səsləndirdiyi ifalarla davam edib.
