“Konstitusiya və Suverenlik” ili çərçivəsində Sumqayıt şəhər Bayraq Muzeyində tədbir keçirilib.
Sumqayit24.az xəbər verir ki, “Ümummilli lider Heydər Əliyev Azərbaycan Respublikası Konstitusiyasının banisidir” adlı tədbir Sumqayıt Şəhər İcra Hakimiyyəti və Sumqayıt Tibb Mərkəzinin (STM) birgə təşkilatçılığı ilə reallaşdırılıb.
Görüşdə Sumqayıt Şəhər İcra Hakimiyyəti başçısının müavini Ülviyyə Müzəffərova, STM-in direktor müavini Ramin Qasımov, ilkin səhiyyə üzrə direktor müavini Namirə Abbasova və tibb müəssisələrinin baş həkimləri iştirak ediblər.
Öncə iştirakçılara muzey və eksponatlar haqqında məlumat verilib, Azərbaycan bayrağının tarixi və müstəqillik yolumuz barədə məlumatlar təqdim olunub. Daha sonra tədbir diskussiya şəklində davam edib.
