Sumqayıtda məktəbli dostu ilə birgə itkin düşüb. Sumqayıt24 bu barədə 5 yanvar tarixində xəbər verir.
19 yaşlı 10-cu sinif şagirdi Kamran Allahverdiyev dekabrın 31-də dostu ilə birgə evdən çıxıb və geri qayıtmayıb.
Gəncin xalası Sədaqət Salamova Apa.az-ya deyib ki, həmin gün Kamranın doğum günü olub: “Kamran paytaxtda yerləşən şadlıq evlərinin birində ofisiant işləyib. Bayram günü onun doğum günü idi. Evdən çıxanda dedi ki, mən dostum Kənanla işə gedirəm, ondan sonra da doğum günümü qeyd edəcəyik. Günün sonunda anası ilə danışıb, problem olmadığını deyib. Həmin vaxtdan sonra nə Kamrandan, nə dostu Kənandan xəbər var”.
Qeyd edək ki, Kamran məktəbə bir neçə il gec getdiyi üçün hazırda orta məktəbdə oxuyur.
Onu görənlərdən polisə və ya (055) 403 14 04 əlaqə nömrəsi vasitəsilə ailəsinə məlumat vermələri xahiş olunur.
