Sumqayıtda insanların mədəni istirahəti üçün nəzərdə tutulmuş parklardan birini parkinqə çeviriblər.
Sumqayit24.az-a bu barədə yerli sakinlər məlumat veriblər. Onlar bildiriblər ki, Nəsimi adın Mədəniyyət və İstirahət parkının Şəhidlər xiyabanı ilə Göyərçin abidəsi arasındakı hissəsində, səkinin üzərində avtomobillər parklanır. Bununla da onlar piyadaların hərəkətinə mane olur.
“Bəzən daha da çox avtomobil olur. Səkini dağıdıb, maşınları içəri salırlar. İstər-istəməz arxaya-qabağa verəndə insanlara narhatalıq yaradır. Üstəlik parkın içərisində niyə parkinq olmalıdır?!”, - deyə narazı vətəndaşlardan biri bildirib.
