Sumqayıtda yol polisi əməkdaşları profilaktik tədbirlər keçiriblər.
Sumqayit24.az Daxili İşlər Nazirliyinə (DİN) istinadən xəbər verir ki, tədbir zamanı yüksək səslə küçə və prospektlərdə hərəkət edərək sakinlərin haqlı narazılığına səbəb olan motosiklet və moped sürücüləri saxlanılıblar.
Texniki müayinə zamanı nəqliyyat vasitələrinin bir çoxunun səsboğucularına qəsdən müdaxilə edildiyi aşkarlanıb. Yollarda təhlükəli manevrlər edərək qəza şəraiti yaradan həmin şəxslər barəsində inzibati tədbirlər görülüb.
Yay mövsümünün gəlişi ilə əlaqədar olaraq Sumqayıt şəhərində insanların istirahətini bilərəkdən pozan, neqativ hərəkətlərə yol verən bu tipli moped və motosiklet sürücülərinə qarşı vətəndaş məmnunluğunun təmin edilməsi məqsədilə profilaktik tədbirlər mütəmadi olaraq həyata keçiriləcək.
View this post on Instagram
