Sumqayıt Dövlət Universitetində (SDU) “Sumqayıt Cup” proqramlaşdırma müsabiqəsi keçirilib.
Sumqayit24.az xəbər verir ki, müsabiqə ICPC 2025 Dünya Finalına hazırlıq çərçivəsində baş tutub. Tədbir İnnovasiya və Rəqəmsal İnkişaf Agentliyi, Azərbaycan Respublikasının Təhsil İnstitutu, Sumqayıt İnnovasiya Mərkəzi və ICPC Azərbaycan İcmasının birgə təşkilatçılığı ilə həyata keçirilib.
Müsabiqədə ölkənin müxtəlif bölgələrindən gəlmiş məktəblilər və tələbələrdən ibarət 25 komanda iştirak edərək proqramlaşdırma və alqoritmik düşüncə bacarıqlarını nümayiş etdiriblər. Sonda uğur qazanan komandalar xüsusi mükafatlarla təltif olunub.
