Sumqayıtda bıçaqlanma nəticəsində xəsarət alan şəxsin vəziyyəti məlum olub.
Bununla bağlı Sumqayıt24.az Tibbi Ərazi Bölmələrini İdarəetmə Birliyinə (TƏBİB) sorğu ünvanlayıb.
Bildirilib ki, 04.03.2025-ci il tarixində saat 13:00 radələrində Sumqayıt Tibb Mərkəzinin Təcili Tibbi Yardım Xəstəxanasına 1966-cı il təvəllüdlü şəxs (qadın) hospitalizasiya olunub.
“Qarnın beldən aşağı hissəsinin və çanağın açıq yarası diaqnozu təyin edilən şəxsə Təcili tibbi yardım şöbəsində zəruri tibbi yardımlar göstərilib. O, xəstəxanada yatışdan imtina edərək yazılı iltizamnamə əsasında ambulator müalicə üçün evə buraxılıb”, - məlumatda qeyd edilib.
Saat: 09:25
Sumqayıtda bıçaqlanma hadisəsi baş verib.
Report.az-ın məlumatına görə, hadisə “Betonzavod” adlanan ərazisində qeydə alınıb.
35 yaşlı Çinarə Nəbiyeva aralarında baş vermiş münaqişə zəminində qonşusu, 59 yaşlı Xırda Məmmədovaya bıçaqla xəsarət yetirib.
Yaralı dərhal xəstəxanaya çatdırılıb.
Faktla bağlı araşdırma aparılır.
