Sumqayıt şəhərinin 76-cı məhəllə ərazisində qanla dolu çirkab sular axır. Bu haqda 8 mart tarixində Sumqayıt24 Xəzər Xəbər-ə istinadən məlumat verir.
Burada 100-ə yaxın ailə yaşayır. Sakinlərin sözlərinə görə, çirkab sular yaşayış evlərinə qədər çatır.
“Bu hal 1 həftəyə yaxındır davam edir. Üfunət iyindən dayanmaq olmur. Qanlı sular yaxınlıqda fəaliyyət göstərən quşçuluq sexindən axır” - deyə şikayətçilər bildiriblər.
Mövcud vəziyyətlə bağlı Sumqayıt şəhər 4 saylı Ekologiya və Təbii Sərvətlər İdarəsi
yaşayış yerinə baxış keçirib. Quşçuluq müəssisəsində məhz bununla bağlı akt tərtib olunub.
Qeyd edək ki, sakinlər problem həll olunmadığı təqdirdə məsələ ilə bağlı məhkəməyə müraciət edəcəklərini bildirdilər.
