Xəzər dənizinin Sumqayıt şəhər akvatoriyasında qanunsuz balıq ovlayan şəxslər saxlanılıblar. Bu haqda 17 fevral tarixində Sumqayıt24 Ekologiya və Təbii Sərvətlər Nazirliyinə istinadən xəbər verir.
Nəzarət tədbirləri Sumqayıtla yanaşı, Bakı şəhəri və Kür çayının Neftçala rayonu ərazisində aparılıb. Yoxlama zamanı brakonyerlərin Bakı şəhər sakini Azər Abdullayev, Neftçala rayon sakinləri Yasər Yusubov, Asif Cəfərov, Yusif Hüseynov, Mübariz Cəfərov olduqları müəyyən edilib və onlardan istifadəsi qadağan olunmuş ov alətləri götürülüb.
Nəticədə ölkə ərazisində su hövzələrindən ümumilikdə 1390 metr uzunluğunda 16 ədəd sintetik tor yığışdırılıb.
Faktlarla bağlı təqsirkar şəxslər barəsində protokol tərtib olunub və qanunamüvafiq tədbirlər görülüb.
