Sumqayıtda şəhər ümumtəhsil məktəblərinin 9-11-ci sinif şagirdləri arasında Azərbaycan tarixi üzrə “Qarabağ Azərbaycandır!” adlı fənn olimpiadası keçirilib. Bu haqda bu gün, 11 iyun tarixində universitetə istinadən xəbər veririk.
Olimpiada Sumqayıt Dövlət Universitetinin 60 illik yubileyinə həsr olunub. Bilik yarışmasının təşkil edilməsində məqsəd elmə maraq yaratmaq, istedadlı şagirdləri aşkar etmək, onların sağlam rəqabət mühitində öz bilik və bacarıqlarını nümayiş etdirmələrinə şərait yaratmaqdır.
Olimpiadada 41 məktəbdən və 4 liseydən 218 şagird iştirak edib.
Şagirdlər 90 dəqiqə vaxt ərzində təqdim edilmiş sualları cavablandırmağa çalışıblar. Bilik yarışının sonunda qaliblərə diplom və mükafatlar təqdim edilib.
