Sumqayıtda üç avtomobilin iştirakı ilə qəza baş verib.
Apa.az-ın məlumatına görə, hadisə İsmət Qayıbov küçəsində qeydə alınıb.
Belə ki, “Mercedes”, “Chevrolet” və “Opel” markalı avtomobillərin toqquşması nəticəsində bir neçə nəfərin xəsarət aldığı bildirilib.
Yaralılar dərhal təcili tibbi yardım vasitəsilə Sumqayıt şəhər Təcili Tibbi Yardım Xəstəxanasına yerləşdiriliblər.
Faktla bağlı araşdırma aparılır.
