Qəzalı vəziyyətdə olan yataqxana ilə bağlı qərar verilib. Bu barədə 24 yanvar tarixində Sumqayıt24 xəbər verir.
1 saylı yataqxana Kimyaçılar qəsəbəsində yerləşir və 1950-ci ildə inşa olunub. Şüşə zavodunun balansında olan binada 50 ailə yaşayır. Sakinlərin sözlərinə görə, binada yaşamaq təhlükəlidir. Burada pəncərələr sınıb, divarlar isə eroziyaya uğrayıb. Hətta bir nəfər bu səbəbdən xəsarət alıb. Onun başına beton qırığı düşüb.
Sumqayıt Şəhər İcra Hakimiyyətindən məsələ ilə bağlı Xezerxeber.az-a açıqlama verilib. Bildirilib ki, yataqxana binasının sökülməsi tədbirlər planına salınıb. Onun yerində müasir yaşayış kompleksi inşa ediləcək.
