Sumqayıtda aztutumlu yük avtomobili yanıb. Sumqayıt24-ə bu haqda 17 iyun tarixində izləyicilər məlumat verib.
Hadisə dünən axşam saatlarında, 18-ci mikrorayon ərazisində qeydə alınıb. Yolun kənarında parklanmış “Qaz” markalı maşın qəflətən alışıb. Nəticədə nəqliyyat vasitəsinin salonu, banına çəkilən tent və yük yerinə yığılan karton, plastik taralar yanıb.
Əraziyə cəlb olunan yanğından mühafizə bölməsinin əməkdaşları alovu söndürüb.
